موجودہ نسل رات بھر جاگنے کی عادی ہوچکی ہے، مسلسل جاگنا کوئی مشکل نہیں، لیکن اس سے پمارے جسم کو کیا نقصانات ہوتے ہیں، اگر آپ جان جائیں تو کبھی اپنی نیند ادھوری نہ چھوڑیں۔
اگر آپ بھی نیند کی کمی کا شکار ہیں تو یہ علامات آپ میں ضرور آنی شروع ہو جائیں گے۔
یہ بھی پڑھئے: بنا نیند کی دوا کے چند سیکنڈ میں سونے کا آسان طریقہ
٭ میٹھا اور نشاستہ دار غذائیں کھانے کی چاہت
نیند کی کمی کی صورت میں ہمارا جسم ‘گھریلن’ نامی ہارمون پیدا کرتا ہے، یہ ہارمون چربی والے اور میٹھا کھانے کی بھوک بڑھاتا ہے۔ کم نیند کی صورت میں ‘لیپٹن’ نامی کیمیکل پیدا ہونا بند ہوجاتا ہے، جو ہمیں بتاتا ہے کہ ہماری بھوک مٹ گئی ہے یا نہیں۔ نتیجاتاً ہم زیادہ کھوتے ہیں اور موٹاپے کا شکار ہوتے ہیں۔
یہ بھی پڑھئے: چودھویں کا پورا چاند نیند پر کیا اثرات ڈالتا ہے؟
٭ ناڑی پن
ریسرچ کے مطابق ایک پوری رات جاگنے والے شخص کی وہی حالت ہوتی ہے، جو ایک نشے میں دھت شخص کی ہوتی ہے۔
٭ بوڑھی جلد
نیند پوری نہ ہونے کی صورت میں جسم کا کارٹیسول لیول بڑھنے لگتا ہے، جس کے باعث جلد کی نمی ختم ہونے لگتی ہے اور کولیجن بکھرنے لگتے ہیں۔ نتیجتاً میں چہرے پر بڑھاپا جھلکنے لگتا ہے۔
یہ بھی پڑھئے: نئی جگہ پر نیند کیوں نہیں آتی؟ وجہ ڈھونڈ لی گئی
٭ فوراً بیمار ہونا
اگر آپ سات گھنٹے سے کم سوتے ہیں تو جان لیں کہ آپ بیماریوں کیلئے ایک کھلی دعوت کا انتظام کررہے ہیں۔ کیونکہ سات گھنٹے سے کم نیند لینے والے افراد 3 گنا زیادہ اور تیزی سے بیماریوں کا شکار بنتے ہیں۔ جب ہم سوتے ہیں تو ہمارا جسم انفیکشنز سے لڑنے والے پروٹین پیدا کرتا ہے۔ اس لئے جتنی کم نیند آپ لیں گے، بیماریوں کے خلاف آپ کا دفاع اتنا ہی کمزور ہوگا۔
٭ جذبات
ریسرچ سے چابت ہوا ہے کہ مسلسل 35 گھنٹے جاگنے والے افراد میں 60 فیصد زیادہ منفی جذبات جنم لیتے ہیں۔ مسلسل جاگنے والے افراد کے دماغ کا اسکین کیا گیا جس میں ‘پریفرنٹل لوب’ میں تبدیلی دیکھی گئی، دماغ کا یہ حصہ ہمارے جذبات کو قابو میں رکھتا ہے۔
تو اپنی نیند پوری کریں، اور اپنے جسمانی اعضاء کو شکریہ کہنے کا موقع فراہم کریں۔
You must be logged in to post a comment.