Home / News / Chief Justice summoned the May 12 file

Chief Justice summoned the May 12 file

کراچی: چیف جسٹس آف پاکستان جسٹس ثاقب نثارنے سانحہ 12 مئی کی فائل طلب کرلی۔

سپریم کورٹ کراچی رجسٹری میں چیف جسٹس ثاقب نثارنے کیسزکی سماعت سے قبل کہا کہ 12 مئی کو کراچی میں المناک واقعہ ہوا، شہدا کے لیے فاتحہ خوانی کرنی چاہیئے۔

فاتحہ خوانی کے بعد چیف جسٹس نے وکیل فیصل صدیقی سے استفسارکیا کہ کیا سانحہ 12 مئی کی تحقیقات نہیں ہوئیں، جس پروکیل فیصل صدیقی نے کہا کہ سندھ ہائی کورٹ میں معاملہ زیرِسماعت ہے، جس پرچیف جسٹس نے کہا کہ آپ کیس نمبردیں ہم جائزہ لیں گے، جس کے بعد چیف جسٹس نے 12 مئی کی فائل طلب کرلی۔

واضح رہے کہ 12 مئی 2007 کو سابق صدر جنرل (ر) پرویز مشرف کے دور آمریت میں وکلا تحریک کے دوران غیر فعال چیف جسٹس افتخار چوہدری کی کراچی آمد پرسیاسی جماعت کے کارکنوں کی فائرنگ سے وکلا سمیت کم ازکم 50 افراد ہلاک ہوگئے تھے۔

loading...

Leave a Reply

Your email address will not be published. Required fields are marked *

*