Are you eating bugs in anxiety?

اس میں کوئی شک نہیں کہ کیڑے مار دوا ہماری صحت کے لئے بہت نقصان دہ ہوتی ہے۔  بھارتی میڈیا میں گردش کرتی ایک خبر میں انکشاف کیا گیا تھا کہ نوڈلز میں کیڑے مار دوا پائی گئی ہے۔ اس کے علاوہ کچھ سال پہلے بھی ایک ایسی ہی خبر سامنے آئی تھی جس میں بچوں کی غذا میں کیڑے مار دوا کی موجودگی کا انکشاف ہوا تھا۔

لیکن کیا آپ جانتے ہیں کہ آپ کی روز مرہ استعمال کی اشیاء میں بھی کیڑے مار دوا موجود ہوتی ہے؟ آج ہم آپ کو اایسی ہی پانچ چیزوں کا بتائیں گے۔ جسے جان کر آپ خود حیران رہ جائیں گے۔

٭ پھل

عموماً تمام پھلوں میں ہی کسی نہ کسی حد تک  پیسٹی سائیڈز موجود ہوتے ہیں، ریسرچ کے مطابق  سیب، آڑو، انگور اورا سٹرابیریز کے ہر ایک ٹکڑے میں تیرہ مختلف اقسام کے پیسٹی سائیڈز پائے جاتے ہیں۔

٭ سبزیاں

سبزیوں کو کیڑوں سے محفوظ رکھنے کے لئے ان پر پیسٹی سائیڈز اسپرے کیا جاتا ہے۔ اس لیے سبزیوں، خاص طور پر ہری سبزیوں، ٹماٹر اور شملہ مرچ میں پیسٹی سائیڈز کی موجود گی کے امکانات زیادہ ہوتے ہیں۔ ماہرینِ صحت کے مطابق، تمام سبزیوں کے مقابلےآلو میں سب سے زیادہ  پیسٹی سائیڈز پائے جاتے ہیں۔

٭ پانی

کچھ لوگ پینے کے لئے نل کا پانی استعمال کرتے ہیں۔ لیکن وہ یہ بات نہیں جانتے کہ اس پانی میں بھاری مقدار مین پیسٹی سائیڈز موجود ہو سکتےہیں، کیونکہ یہ پانی زمیں سے ہوتا ہواآتا ہے اور اسے پروسیس کیا جاتا ہے۔

٭ شیمپو

تمام شیمپوز میں  پیسٹی سائیڈزنہیں ہوتے ،لیکن کچھ شیمپو ایسے ہوتے ہیں جنہیں جوؤں کے خاتمے کے لئے استعمال کیا جاتا ہے، ان میں کثیر مقدار میں کیڑے مار دوا پائی جاتی ہے۔

٭ کاربونیٹڈ مشروبات

اس کے بارے میں بہت سی خبریں شائع ہوئی ہیں کہ کاربونیٹڈ مشروبات میں پیسٹی سائیڈز موجود ہوتے ہیں، جو ایک مخصوص حد سے زیادہ ہوتے ہیں۔ ہم میں سے بہت سے لوگ اس بات سے ناواقف ہیں ، اس لئے اپنی جان کی پرواہ کئے بغیر کاربونیٹڈ مشروبات کے استعمال  کے رجحان کو اپنا رہے ہیں۔