Six people including two women were killed in different areas of Peshawar

پولیس کے مطابق پشاور کے نواحی علاقے سربند میں زمین کے تنازعے پر مسلح افراد نے فائرنگ کرتے ہوئے ایک ہی خاندان کے 4 افراد کو قتل کر دیا۔ جاں بحق ہونے والوں میں تین بھائی شامل ہیں جبکہ فائرنگ سے ایک شخص شدید زخمی بھی ہوا جس کو بروقت طبی امداد کے لئے لیڈی ریڈنگ ہسپتال پہنچایا گیا۔

دوسری جانب تھانہ پشتخرہ کی حدود پاوکہ میں نا معلوم افراد کی فائرنگ سے 2 خواتین جاں بحق ہو گئیں جن کی لاشوں کو پوسٹ مارٹم رپورٹ اور شناخت کے لئے ہپستال منتقل کر دیا گیا تا ہم پولیس نے الگ الگ مقدمات درج کر کے ملزمان کی تلاش شروع کر دی۔