Rawalpindi, Islamabad flooded, cold intensity increased

راولپنڈی اسلام آباد کے مختلف علاقوں میں رات گئے بوندا باندی ہوئی جس سے ٹھنڈ میں اضافہ ہو گیا۔ جڑواں شہروں میں درجہ حرارت 4 ریکارڈ کیا گیا۔ ادھر پہاڑوں پر برفباری کا سلسلہ پھر سے شروع ہوگیا۔ دیر بالا کے پہاڑوں پر آسمان سے سفید موتی برس پڑے جس نے موسم شدید سرد بنا دیا۔ سیاحوں کی بڑی تعداد موسم کا مزا لینے پہنچ گئی۔

گلگت بلتستان کے ضلع غذر میں شدید سردی میں منجمد خلتی جھیل سیاحوں کی توجہ کامرکز بنی ہوئی ہے، بچوں نے جھیل کو کھیل کا میدان بنا لیا، خوب ہلہ گلہ کیا۔ صبح کے وقت سکردو میں پارہ منفی 7، قلات میں منفی 4 اور راولا کوٹ میں منفی 3 تک رہا۔ موسم کی خبر دینے والوں کا کہنا ہے بالائی علاقوں میں بارش اور پہاڑوں پر برفباری کا سلسلہ آئندہ 24 گھنٹوں تک جاری رہے گا۔