صحت مند زندگی کےلئے متوازن اور صحت بخش غذاؤں کا استعمال بہت ضروری ہوتا ہے۔اکثر سردیوں کے اثرات ہمیں بہت سی بیماریوں میں مبتلاکر دیتے ہیں جن میں نزلہ، زکام،کھانسی اور سینے میں دردسمیت کئی بیماریاں شامل ہوتی ہیں۔
آج ہم آپ کو ایسی پانچ غذاؤں کے بارے میں بتائیں گے جو سائنسی طور پر سردی کے اثرات،نزلہ اور زکام سے بچنے کے لئے بہت فائدے مند ہیں۔
٭گندم کا آٹا
گندم کے آٹے میں زنک وافر مقدار میں موجود ہوتا ہے،جوجسم میں قوت مدافعت پیدا کرتا ہے۔
٭کیلا
کیلے میں وٹامن B6 پایا جاتا ہے،جو جسم میں موجود انفیکشن سے لڑنے میں مدد فراہم کرتا ہے۔
٭ لال مرچ
لال مرچ وبائی امرض سے بچاتی ہے۔اس میں کیپسائسن نامی ایک جزو پایا جاتا ہے جو سانس کی نالی میں موجود بلغم کا خاتمہ کر تا ہے جس سے سانس لینے میں آسانی ہوتی ہے۔
٭ شکر کندی
شکر کندی بیٹا کیروٹین (جو وٹامن اے کی ایک قسم ہے) حاصل کرنے کا ایک بہترین ذریعہ ہے۔یہ جسم میں سفید خلیوں کا اضافہ کرتا ہے اور انفیکشن سے لڑنے میں مدد کرتا ہے۔
٭ لہسن
تازے لہسن میں ایلیسن نامی ایک جزو پایا جاتا ہے، جو آنتوں میں پائے جانے والے بیکٹیریا کا خاتمہ کر کے زکام اور انفلوئنز سے محفوظ رکھتا ہے۔
You must be logged in to post a comment.