Home / News / Imran Khan had already dreamed, still watching

Imran Khan had already dreamed, still watching

پشاور: مشیر وزیراعظم امیرمقام کا کہنا ہے کہ عمران خان پہلے بھی خواب دیکھتے تھے اب بھی دیکھ رہے ہیں۔

پشاور یونیورسٹی میں لیپ ٹاپ تقسیم کی تقریب سے خطاب کرتے ہوئے امیر مقام کا کہنا تھا کہ میں اسی یونیورسٹی کا پڑھا ہوا ہوں، مجھے پشاور یونیورسٹی پر فخر ہے یہ ’مدر آف یونیورسٹیز‘ کا درجہ رکھتی ہے، اساتذہ کو مراعات کی طرف دیکھنے کے بجائے جذبے سے کام کرنا چاہئے اگر مراعات پر نظر رہے تو جذبہ ختم ہوجاتا ہے، 18ویں ترمیم کے بعد یونیورسٹیاں صوبوں کے پاس ہیں،  صوبوں کو چاہئے کہ وہ سربراہان کی تقرری کے علاوہ ان کے مسائل پر بھی توجہ دیں۔

امیرمقام نے کہا کہ سیاست میں ان کا تجربہ کم لیکن اتار چڑھاؤ بہت دیکھے ہیں، 7 مرتبہ مجھ پر حملے ہوئے لیکن ہمیشہ جذبہ رکھا کہ انسانیت کے لئے کام کروں گا جب کہ سیاستدان منشور کا اعلان کرتے ہیں لیکن عمل نہیں کرتے،عمران خان پہلے بھی خواب دیکھتے تھے اب بھی دیکھ رہے ہیں۔ احتساب کا خیرمقدم کرتے ہیں، معلوم نہیں ان کو پرانے اثاثے اب کہاں سے یاد آ گئے۔

 مشیر وزیراعظم  نے کہا کہ مسلم لیگ (ن) کی مقبولیت میں اضافہ ہو رہا ہے، پنجاب اور خیبر پختونخوا میں حکومت ہم بنائیں گے، میں شیخ چلی نہیں کہ ہوا میں باتیں کروں،ہم اعداد و شمار کے مطابق باتیں کرتے ہیں جب کہ حکومتی پالیسیوں سے لوڈشیڈنگ میں کمی ہوئی اور حکومت لوڈشیڈنگ کا خاتمہ کر رہی ہے۔
loading...

Leave a Reply

Your email address will not be published. Required fields are marked *

*