Home / News / Four soldiers martyred in security forces’ vehicle in Quetta

Four soldiers martyred in security forces’ vehicle in Quetta

کوئٹہ:لانگوآباد میں سیکیورٹی فورسز کی گاڑی پر دہشت گردوں کی فائرنگ سے 4 اہلکار شہید ہوگئے۔

ایکسپریس نیوز کے مطابق کوئٹہ کے علاقے لانگو آباد میں دہشت گرد گشت پر مامور سیکیورٹی فورسز کی گاڑی پر فائرنگ کرکے فرار ہوگئے۔ جس کے نتیجے میں 4 سیکیورٹی اہلکار موقع پر ہی شہید ہوگئے۔واقعے کی اطلاع ملتے ہی پولیس، سیکیورٹی فورسز اور ریسکیو اہلکارموقع پرپہنچ گئے اورلاشوں کو سول اسپتال منتقل کردیا گیا۔

دہشت گردی کی کارروائی کے بعد علاقے میں خوف وہراس پھیل گیا۔ سیکیورٹی ذرائع کا کہنا ہے کہ دہشت گردوں نے فورسزکی گاڑی پر مختلف اقسام کے ہتھیاروں سے فائرنگ کی ہے، گولیوں کے خول قبضے میں لے کر واقعے کی تفتیش شروع کردی گئی ہے۔