Azaadpakistan Funny Videos, Photos, Islamic and all types of Quotes, Gifs, and lots of Entertainment
ٹھٹھہ: سجاول میں پولیس نے نوجوان کے ساتھ اجتماعی بدفعلی کرنے والے پیپلزپارٹی کے رہنما کو ساتھی سمیت گرفتار کرلیا ہے۔
سندھ کے شہر سجاول کے علاقے دڑو میں پیپلز پارٹی کے رہنما کی ساتھیوں سمیت ہندو نوجوان کے ساتھ مبینہ اجتماعی بدفعلی کی رپورٹ درج کی گئی ہے۔ وزیرمملکت ایازعلی شیرازی، سابق ضلعی ناظم ٹھٹہ شفیق شاہ شیرازی اور متاثرہ نوجوان کے والد کے ہمراہ ایس ایس پی آفس پہنچ گئے جہاں انہوں نے بیان دیا کہ ارباب ابراہیم میمن نے اپنے 3 ساتھیوں سمیت ہندو نوجوان سے ساتھ اجتماعی زیادتی کی اور سوشل میڈیا پر واقعے کی ویڈیو بھی وائرل کی۔
ایازشیرازی کا کہنا ہے کہ ملزمان کا تعلق سندھ کی حکمراں جماعت سے ہے جب کہ آئی جی سندھ نے معاملے کی غیرجانبدارانہ تحقیقات کی یقین دہانی کرائی ہے۔
سجاول پولیس کا کہنا ہے کہ مقدمے میں نامزد ملزمان پیپلزپارٹی کے رہنما ارباب ابراہیم میمن اور صالح میمن کو گرفتار کرلیا گیا ہے جب کہ دیگر دو ملزمان کی گرفتاری کے لئے چھاپے مارے جارہے ہیں۔
دوسری جانب وزیراعلیٰ سندھ مراد علی شاہ نے بھی ہندو نوجوان سے بدفعلی کے واقعے کا نوٹس لیتے ہوئے متعلقہ حکام سے رپورٹ طلب کرلی ہے۔
You must be logged in to post a comment.